2015 წელს კომპანია ITCS ის მიერ  საქართველოსა და ამიერკავკასიაში  წყლის მომწოდებელი  წამყვანი კომპანიის, “ჯორჯიან უოთერ ენდ ფაუერის“ ინფორმაციული ტექნოლოგიებისა და სისტემების მიმოხილვითი შემოწმება ჩატარდა. შემოწმების შედეგების საფუძველზე მომზადდა შესაბამისი კონსულტაციები IT პროცესების უკეთ მართვისა და კონტროლისთვის, რომელთა შემუშავებისთვის ჩვენმა გუნდმა საერთაშორისოდ აღიარებული სტანდარტები და საუკეთესო პრაქტიკები გამოიყენა. აღნიშნული კონსულტაციები წარმატებით განხორციელდა “ჯორჯიან უოთერ ენ ფაუერს“-ში.

ჩვენს მიერ განხორციელებული პროექტებიდან ერთ-ერთი ყველაზე მასშტაბური არის საქართველოში პირველი, მაღალი ტექნოლოგიებით აღჭურვილი რუსთავის ავტობაზრობა, სადაც 6 ათასამდე მანქანის გასაჩერებელი ადგილია. ავტობაზრობის მთლიან ტერიტორიაზე დამონტაჟებული იქნა უახლესი ტექნოლოგიის შლაგბაუმები და გადახდის აპარატები, რომლის ანალოგიც საქართველოში არ არსებობს. ბაზრობის ტექნიკური პროექტი განხორციელდა ჩვენი კომპანიის ხელმძღვანელობით.

ნაო, რომელიც ჩვენმა კომპანიამ საქართველოში 2015 წლის გაზაფხულზე ჩამოიყვანა, ფრანგული წარმომავლობის  ჰუმანოიდ რობოტია. მისი ძირითადი მიმართულება საგანმანათლებლო სფეროა. მსოფლიო საგანმანათლებო ტენდენციებს თუ გავითვალისწინებთ, ნათელია, რომ სასწავლო პროცესის წარმატება უკვე ძალიან დამოკიდებული ხდება თუ რამდენად არის ინფორმაციული ტექნოლოგიები ჩართული საგანმანთლებლო პროცესში, რადგან ეს დამატებით მოტივაციას უქმნის ბავშვებს და შედარებით სუსტი აკადემიური მოსწრების მოსწავლეებსაც კი აქტიურად რთავს სასწავლო პროცესში. თუ გაინტერესებთ უფრო დეტალურად გაეცნოთ ნაოს შესაძლებლობებს ან უბრალოდ გინდათ თქვენს ბავშვს მისცეთ საშუალება გეცნოს ნაოს, დაგვიკავშირდით და ჩვენ დავგეგმავთ ნაოს თქვენთან შეხვედრას.